Маңғыстау облысындағы IT-лицейдің 10-сынып оқушысы Рамазан Бутантаев Азия-Тынық мұхиты лингвистикалық олимпиадасында (APLO-2025) абсолютті жеңімпаз атанып, алтын медаль жеңіп алды. Олимпиада қорытындысы бойынша ол Қытай, Австралия, Жапония, Малайзия, Иран, Корея сынды елдердің үздік оқушыларын артта қалдырды.
Биылғы зияткерлік жарысқа 500-ге жуық жоғары сынып оқушылары қатысқан. Қазақстан құрамасы 5 медаль мен 3 Құрмет грамотасын жеңіп алып, олимпиада тарихындағы рекордтық нәтиже көрсетті.
Медаль иегерлері:
-
? Рамазан Бутантаев — Маңғыстау облысы, IT-лицей, 10-сынып
-
? Самир Сарбасов — Астана қаласы, НЗМ, 12-сынып
-
? Тимур Кантаев — Алматы қаласы, «Арыстан» мектебі, 11-сынып
-
? Зере Серікова — Астана қаласы, №9 «Зерде» мектебі, 11-сынып
-
? Темірлан Сейтбаттал — Ақмола облысы, БИЛ, 11-сынып
Құрмет грамотасымен марапатталғандар:
-
✅ Ислам Сипатталов — Ақтөбе қаласы, БИЛ, 10-сынып
-
✅ Шыңғыс Қарасаев — Орал қаласы, НЗМ, 11-сынып
-
✅ Арон Хасанов — Атырау қаласы, БИЛ, 11-сынып
Қазақстан командасының жаттықтырушысы — халықаралық және республикалық олимпиадалардың жеңімпазы, Тюбинген университетінің студенті Аида Давлетова.
? Анықтама:
Asia Pacific Linguistics Olympiad (APLO) — жоғары сынып оқушыларына арналған беделді халықаралық олимпиада. Бұл жарыс оқушылардың логикалық ойлауын, тілдік түйсігін және мәдениетаралық құзыреттілігін дамытып, Халықаралық лингвистикалық олимпиадаға жол ашады.
