Президенттің ұлына қызыл қағаз көрсеткен төреші “жаза ретінде” матчтардан шеттетілді

Аргентина чемпионатындағы даулы матчтан кейін 42 жастағы бас төреші Николас Ламолина келесі тур ойындарына тағайындалмады. Бұл туралы The Sun хабарлады.

28 қазанда өткен “Барракас Сентраль” – “Бока Хуниорс” кездесуінде Ламолина AFA президенті Чики Тапияның ұлы - Иван Тапиаға екі ескерту көрсетіп, ойыннан шығарған. “Бока” матчты 3:1 есебімен жеңді.

БАҚ-та бұл шешім үлкен резонанс тудырды. VAR бірнеше эпизодтарды тексергенімен, төреші шешімін өзгертпегені сынға алынды.

АFA ресми түрде “дисквалификация” туралы мәлімдеме жасамаған. Тек - Ламолина келесі матчтарға тағайындалмағаны хабарланды.