Үкімет болжамы: 2028 жылға қарай Қазақстан экономикасы қалай өзгереді?

Ұлттық экономика министрі Серік Жұманғариннің айтуынша, 2026 жылы жалпы ішкі өнім 5,4%-ға өседі деп күтілуде. Орташа алғанда үш жылда өсім 5,3%-ды құрайды. Ақшалай есептегенде, ел экономикасының көлемі 183,8 трлн теңгеден 229,8 трлн теңгеге дейін ұлғаймақ.

Қай салалар алға шығады?

• Өңдеуші өнеркәсіп жыл сайын қарқынын үдетіп, 2028 жылы 6,6%-ға жетеді;

• Құрылыста өсім рекордтық деңгейде – орта есеппен 11%;

• Көлік саласында – 10,1%;

• Саудада – 6,7% болжанған.

Сауда балансы да оң күйінде қалады. Экспорт 2026 жылғы $77,1 млрд-тан 2028 жылы $83,7 млрд-қа дейін артса, импорт $67,7 млрд-тан $75,2 млрд-қа дейін өседі.

? Бюджетке келсек:

• 2026 жылы кірістер – 19,2 трлн теңге;

• 2028 жылы – 23,2 трлн теңге;

• Ұлттық қордан жыл сайынғы кепілдендірілген трансферт – 2,77 трлн теңге көлемінде қалады.

Бюджет тапшылығы 2026 жылы ЖІӨ-нің 2,5%-ын құраса, үш жылда ол 0,9%-ға дейін қысқарады. Мұнайға тәуелділікті азайтудың арқасында мұнай емес тапшылық та 4,9%-дан 2,7%-ға төмендейді.

«Бюджет өзін-өзі қамтамасыз етеді, қосымша қаражат тарту қажет болмайды», – деді вице-премьер Жұманғарин.