Жетісу облысында екі Chevrolet Cobalt автокөлігі соқтығысып, алты адам қаза тапты. Тағы бір адам жарақат алып, ауруханаға жеткізілді. Бұл туралы облыстық полиция департаменті хабарлады.
Жол апаты «Сарыөзек – Көктал» автожолының 110-шақырымында болған.
Алдын ала мәлімет бойынша, көліктердің бірінің жүргізушісі қарсы жолаққа шығып кетіп, екінші автокөлікпен соқтығысқан.
«Жол-көлік оқиғасы салдарынан алты адам оқиға орнында қаза тапты. Тағы бір адам түрлі дене жарақаттарымен медициналық мекемеге жеткізілді», – делінген полиция хабарламасында.
Оқиға бойынша қылмыстық іс қозғалды. Қазір полиция жол апатының барлық мән-жайын анықтау үшін сотқа дейінгі тергеу жүргізіп жатыр.
